التسويق الاورجانيك على السوشيال ميديا بقى سلاح سري للشركات العقارية عشان تصل لجمهورها من غير ما تصرف ملايين على الاعلانات الممولة، وده ليه أسباب كتيرة في هذه المقالة هنتكلم عليها بالتفصيل.

الموضوع ببساطة إن الشركات العقارية في مصر بقت تفكر مرتين قبل ما تصرف فلوس على الإعلانات الممولة، وده لأسباب كتير. أولاً، تكلفة الإعلانات على فيسبوك وجوجل بقت نار، وفي نفس الوقت مش دايماً نتيجة الاعلان بتكون مرضية فبتكون دفعت مبلغ كبير ع الفاضي.

الشركات لقت إن الاورجانيك ماركتنج بيجيب نتايج كويسة. يعني لما بيعملوا فيديوهات حلوة عن المشاريع، أو بينزلوا بوستات مفيدة عن السوق العقاري، أو بيشاركوا تجارب عملاء حقيقية، الناس بتتفاعل معاهم أكتر وبتثق فيهم، أو حتى بينزلوا بوستات اورجانيك بيعيه مباشرة زي النشر في جروبات الفيسبوك والماركت بليس وده هنتكلم فيه بالتفصيل بعدين

السوشيال ميديا بقى، الشركات فهمت إن الريلز والستوريز والبوستات التفاعلية بتوصل لناس كتير من غير ما يدفعوا فلوس. وبقوا بيحكوا قصص حقيقية عن المشاريع، زي إزاي المشروع اتبنى من الصفر، وإيه المشاكل اللي قابلتهم وإزاي حلوها. هنتكلم عن جزء السوشيال ميديا بالتفصيل بس بعد اما نفهم اكتر الفرق بين الاعلانات الممولة والاورجانيك.

اقرأ ايضاً : ال Organic Marketing ما هو ؟ ولماذا بعض الشركات اصبحت تعتمد عليه بدل الاعلانات الممولة .

الفرق بين الاعلانات الممولة والتسويق الاورجانيك

الشركات العقارية في مصر واقعة بين نارين: إما تدفع آلاف الجنيهات عشان تظهر في إعلانات فيسبوك وجوجل ، أو تعتمد على المحتوى الاورجانيك اللي بيوصل للعملاء من غير فلوس. الفرق بين الاتنين كبير، وهنشرحه بالتفصيل هنا.

الإعلانات الممولة (Paid Ads)

دي إعلانات بتدفع فيها الشركة عشان تظهر في وجه العملاء المستهدفين على السوشيال ميديا أو محركات البحث. زي الإعلانات اللي بتشوفها عن مشاريع سكنية جديدة في 6 أكتوبر أو القاهرة الجديدة.

ليه الشركات بتستخدمها؟

• عشان توصل لعدد كبير من الناس في وقت قصير (زي ما تشوف إعلان عن شقق للبيع في منطقة معينة).
• تقدر تستهدف فئات محددة (مثلاً: شباب من سن 25–35 سنة، أو ناس مهتمة بالاستثمار العقاري).
• النتايج بتظهر بسرعة (زي زيادة المكالمات أو الزيارات للموقع).

عيوبها:

• التكلفة بتاعت الإعلان ممكن توصل لـمبلغ كبير جداً جداً شهريًا .
• الإعلان بيختفي بمجرد ما توقف الدفع، ومش بيبني علاقة دائمة مع العميل.
• ناس كتير بتskip الإعلانات أو مبتبصش ليها أساسًا.

التسويق الاورجانيك (Organic Marketing)

إيه هو؟

• طريقة تسويق بتعتمد على إنك تعمل محتوى مفيد للعميل من غير ما تدفع. زي فيديوهات عن إزاى تختار الشقة المناسبة، أو بوستات تنشر صور حقيقية للمشروع على صفحتك او الماركت بليس.

ليه الشركات بدأت تعتمد عليه؟

• التكلفة قليلة أو منعدمة (مش محتاج تدفع لكل نقرة أو مشاهدة).
• بيبني ثقة مع العملاء، لأنهم بيشوفوا المجهود اللي بتعمله في المحتوى.
• النتايج بتفضل مستمرة (فيديو قديم ليك ممكن يظل يجيب عملاء بعد سنين)

عيوبه:

• محتاج إبداع في المحتوى عشان تلفت الانتباه.
• صعب تقيس تأثير كل بوست أو فيديو بالظبط.

إزاي تبدأ تسويق أورجانيك

1. اختيار المنصات المناسبة

مش كل السوشيال ميديا تنفع للعقارات. أهم منصتين هما:

• فيسبوك وإنستجرام وتيك توك: لأنهم الأكثر انتشارًا في مصر، وبيقدموا ميزات زي الـReels والـStories اللي بتساعدك توصل لناس كتير.
• لينكدإن: لو شركتك بتتعامل مع مستثمرين أو شركات كبرى، لينكدإن مكان مناسب للتواصل معاهم..

2. المحتوى اللي يجذب العملاء

لازم محتواك يكون متنوع ومفيد:

• فيديوهات جولة في المشاريع:الناس بتحب تشوف الشقق والوحدات من كل الزوايا، فلو عندك مشروع جديد، صور فيديو كامل فيه ووضح مميزاته
• مقارنات بين المشاريع: قارن بين مشروعك والمشاريع التانية من حيث الأسعار والموقع والخدمات.
• قصص نجاح: لو عندك عملاء راضيين عن شراء وحدات منك، خليهم يحكوا تجربتهم .
• أخبار السوق العقاري: مثلاً لو في تغيير في أسعار أو قروض عقارية جديدة، شارك المعلومة دي.

3. الهاشتاجات (#)

خلي بالك من الهاشتاجات (#) اللي بتساعدك توصل لناس أكتر. مثلاً:

• #شقق_للبيع
• #عقارات_مصر
• #كمبوند_كذا

3. التفاعل مع الجمهور

السوشيال ميديا مش بس منصة لنشر محتوى، ده مكان للتواصل. لازم:

• ترد على التعليقات والرسائل بسرعة.
• تدخل الجروبات العقارية الكبيرى وترد على اسئله الناس وتنشر معلومات قيمة.
• تشجع العملاء يشاركوا رأيهم ويبعتوا استفساراتهم.

التسويق الأورجانيك للعقارات مش صعب، بس محتاج صبر وإستمرارية. لو عملت محتوى مفيد وجذاب، وخلت جمهورك يثق فيك، هتلاقي ناس كتير بتبعتلك وتسأل عن الوحدات من غير ما تصرف جنيه على إلاعلانات .

أمثلة على افضل منصات السوشيال ميديا اللي اقدر اجيب منها ليدز اورجانيك

جميع منصات السوشيال ميديا نقدر نجيب منها عملاء مهتمه منها وبشكل مجاني، وفي ما يلي ثلاث من أشهر منصات الـ Social Media التي نقدر نسوق عليها اورجانيك بأكثر من طريقة.

أنواع التسويق الأورجانيك للشركات العقارية على الفيسبوك

التسويق الأورجانيك للعقارات على الفيسبوك مش صعب، بس محتاج استمرارية ومحتوى حيوي يفيد الناس ويخليهم يثوقوا في شركتك. خليك دايماً ناشط، متفاعل، ومبتكر في الطرق اللي توصل بيها للجمهور. وكمان، متنساش إن الصدق والوضوح في العرض هما اللي هيخليك تبيع أكتر!

1. البوستات التفاعلية (الصور والفيديوهات)

أول حاجة، لازم تبان للجمهور إن عندك افضل المشاريع الموجوده. خليك دايماً تنزل صور وفيديوهات للمشاريع العقارية بتاعتك، سواء شقق، فيلل، أو حتى أماكن تحت الإنشاء. الفيديوهات خاصةً بتجذب انتباه الناس أكتر، زي فيديوهات “الـ Tour” داخل الشقة أو الفيلا، أو حتى تصوير مراحل البناء عشان يقدروا يثقوا في جودة الشغل.

2.القصص (الـ Stories) والـ Reels

الـ Stories والـ Reels على الفيسبوك (وفيسبوك ماسنجر) فرصة كويسة عشان تظل موجود قدام الجمهور طول الوقت. ممكن تنزل حاجات سريعة زي:

• أسئلة تفاعلية زي “إنت بتفضل الشقق فين؟ التجمع أم الشيخ زايد
• عروض لحظية (لو عندك خصم على وحدة معينة).
• لقطات من داخل المشاريع.
• آراء عملاء سابقين (Testimonials).

3.الجروبات (المجموعات) العقارية (الـ Stories) والـ Reels

في كتير جروبات على الفيسبوك مختصة بالعقارات، سواء للبيع أو الشراء أو حتى النقاشات القانونية. انضم ليها وشارك بمحتوى مفيد او بإعلانات مباشرة. مثلاً

4.الرد على الكومنتات والرسائل بسرعة

أهم حاجة في التسويق الأورجانيك إنك تبقى سريع في الرد على أي سؤال أو استفسار. لو حد سأل في كومنت عن سعر أو موقع مشروع، رد عليه فوراً، وحتى لو طلب تفاصيل أكتر، ابعتله رسالة على الخاص. ده بيخلّي العميل يحس إنك جاد ومهتم بيه.

أنواع التسويق الأورجانيك للشركات العقارية على انستجرام

التسويق (الأورجانيك) للشركات العقارية على إنستجرام يعتمد على بناء وجود قوي وجذب العملاء دون الاعتماد على الإعلانات المدفوعة. إليك أبرز أنواعه:

1. البوستات والستوريات (المنشورات والقصص)

أول حاجة، لازم تنشط حسابك بشكل مستمر. زيّ ما بنقول: “اللي يتقال يتعمل”.

• صور المشاريع: نزل صور للمشاريع الجديدة، والوحدات المتاحة، والمناطق اللي حواليهم.
• فيديوهات قصيرة: ممكن تعمل فيديوهات جولة سريعة في الشقق أو الفيلات، أو حتى تصور العمال وهم بيشتغلوا في المشروع.
• ستوريات تفاعلية: استخدم الاستطلاعات (Polls) أو الأسئلة (Questions) عشان تخلي الناس تشارك معاك (زي: “تفضل شقة بالدور الأول ولا الأخير؟”).

2. (Reels) الفيديوهات القصيرة

الرييلز بقت أهم حاجة على الانستجرام دلوقتي، وبيعملوا engagement كبير اليك بعض المواضيع التي يمكن استخدامها في الريلز.

• كيفية اختيار العقار المناسب.
• أخطاء شائعة في التمويل العقاري.
• تحليل اتجاهات السوق
• معلومات عن أسعار السوق
• نصائح مقارنات بين المناطق والكمبوندات

3. البروفايل الاحترافي

• رابط في البايو لموقع الشركة أو نموذج الاتصال.
• استخدام “أبرز الستوريز” لعرض المشاريع، الخدمات، أو الأسئلة الشائعة.

4. الهاشتاقات (#) الاستراتيجية

استخدام هاشتاقات متخصصة مثل:

• هاشتاجات مشهورة: استخدم # زي (#عقارات_مصر، #شقق_للبيع، #العبور_الجديدة) عشان توصل لناس بتدور على حاجة زي دي.
• هاشتاجات خاصة بيك: اعمل هاشتاج لشركتك (زي #شركة_فلان_العقارية) وشجّع الزباين والمتابعين يستخدموه لما ينزلوا صور من مشاريعك.
• هاشتاقات عامة: #استثمار، #منزل_العمر.

اختيار هاشتاقات متوسطة الانتشار (ليس شديدة التنافسية).

أنواع التسويق الأورجانيك للشركات العقارية على التيك توك

التسويق الأورجانيك على التيك توك مش سحر، لكنه محتوى مستمر وطبيعي بيخلي الناس تعرفك من غير إعلانات ممولة. إليك أبرز هذه الأنواع:

1. الفيديوهات القصيرة

التيك توك كلها مبنية على الفيديوهات القصيرة ، فلو عندك شقة للبيع أو مشروع جديد، صور فيديوهات خفيفة وسريعة:

• جولة في الوحدة: نزل فيديو من داخل الشقة أو الفيلا واشرح مميزاتها (المساحة، عدد الغرف، الديكور).
• قبل وبعد: لو عندك مشروع تجديد، صور المكان قبل التجديد وبعده – الناس بتحب تشوف التحولات دي.
• أسئلة واجابات: مثلاً “إيه الفرق بين الشقق في التجمع والخامس والمستقبل سيتي؟” أو “لما تاخد شقة بالتقسيط ولا تدفع كاش؟”.

2. المحتوى التعليمي

الناس بتحب تتعلم، فلو هتقدم معلومات مفيدة هتكون محل ثقة:

• نصائح للشباب: “إزاي تختار شقة مناسبة ليك؟”، “إيه الأوراق المطلوبة؟”.
• تحذيرات مهمة: “5 حاجات متعملهمش لما تيجي تشتري شقة”، “إزاي تتجنب النصابين في العقارات؟”.

2. التحديات

التيك توك بيحب التحديات، فاستغلها:

• #عايز_شقة_بكام: نزل فيديو بتعرض فيه شقق بأسعار مختلفة وتقول “إنت عايز شقة بكام؟”.

2. الهاشتاقات (#)

استخدام هاشتاقات متخصصة مثل:

• هاشتاجات مشهورة: استخدم # زي (#عقارات_مصر، #شقق_للبيع، #العبور_الجديدة) عشان توصل لناس بتدور على حاجة زي دي.
• هاشتاجات خاصة بيك: اعمل هاشتاج لشركتك (زي #شركة_فلان_العقارية) وشجّع الزباين والمتابعين يستخدموه لما ينزلوا صور من مشاريعك.
• هاشتاقات عامة: #استثمار، #منزل_العمر.

اختيار هاشتاقات متوسطة الانتشار (ليس شديدة التنافسية).

---

وبذلك، نكون قد غطينا بالتفصيل لماذا الشركات العقارية بدأت بالاستغناء عن الاعلانات الممولة واستبداله بالاورجانيك وانواعه وازاي تشتغل بيه . ومن المهم أن تكون عندك استراتيجية مدروسة تسمح لك باستغلاله. اذا لديك استفسار او تعليق او سؤال غير واضح في المقالة لا تتردد بكتابة تعليق به